'Yan Najeriya,  masu hannu da shuni da 'yan Rabbana ka wadata mu,  na ci gaba da shan radadin tsadar mai sanadiyar cire tallafin mai da shugaba Tinubu ya yi daga hawa karagar mulkin kasar.

Abin ya yi tsananin  da har ma gidajen mai na kuka da karancin masu zuwa shan mai kuma yanzu haka a dole mutane sun fara canza salon mu'amalarsu da ababen hawa masu aiki da man fetur kamar yadda za ku ji a cikin shirin namu na Najeriya a Yau.